Brama Traore adai Ivory Coast mziki mnene

MARRAKECH, MOROCCO: STALLIONS wa Burkina Faso wameondolewa katika michuno ya Kombe la Mataifa ya Afrika (AFCON) 2025 hatua ya 16 bora, baada ya kupoteza kwa mabao 3-0 mbele ya watetezi Ivory Coast, huku kocha wa timu hiyo.

Brama Traoré akikiri kwamba walistahili kipimo kwa mziki mnene wa wapinzani wao.

Kocha huyo alisema kuwa, wachezaji wa Burkina Faso walizidiwa na watetezi hao na hasa baada ya bao la kwanza lililowatoa kabisa mchezo na kusahau kila walichoelekezwa.

“Ilikuwa mechi ngumu kwetu kwa sababu tulikuwa na mpango, ambao ulikuwa kuanza mechi vizuri kisha kudhibiti timu ya Ivory Coast, ambayo ni timu yenye ufundi mkubwa. Nadhani baada ya goli la kwanza kufungwa, tulipoteza njia yetu na ilikuwa vigumu kudhibiti mechi baada ya hapo,” alisema, akionyesha bao la Amad Diallo kama hatua ya mabadiliko muhimu katika mechi hiyo.

Licha ya kipigo hiki kigumu, Traoré alikubaliana na ubora wa wapinzani, waliokuwa wakiongozwa na Amad Diallo aliyefanya vizuri sana, akifunga goli moja na kutoa pasi moja ya muhimu.

Mabingwa wa awali, 'Tembo' walidhibiti mechi kutoka mwanzo hadi mwisho, wakitumia nafasi zilizobaki kutokana na ulinzi usiopangwa wa Burkinabe baada ya goli la ufunguzi.

Stallions, licha ya hatua nzuri ya makundi wakiwa na ushindi wawili, walishindwa kuonyesha kasi yao ya kawaida.

Uondoaji huu unamaliza safari ya Burkina Faso nchini Morocco, ambapo walikuwa wamepanga malengo makubwa zaidi.