“Cristiano hana nafasi kwenye meza moja na Maradona, Pele na Messi”

MIAMI, Marekani: Mjadala kuhusu nani ni mchezaji bora zaidi kati ya Lionel Messi na Cristiano Ronaldo umeendelea kuwagawa mashabiki wa soka duniani kwa zaidi ya miaka 15.

Hata hivyo, mchambuzi maarufu wa Mexico David Faitelson amesema anaamini Messi yuko katika kiwango tofauti kabisa na Ronaldo.

Messi aendelea kung'ara Kombe la Dunia

Katika Kombe la Dunia hili, Messi ameanza kwa kiwango cha juu sana baada ya kufunga mabao yote matano ya Argentina katika ushindi wa 3-0 dhidi ya Algeria na 2-0 dhidi ya Austria.

Mabao hayo yamemfanya kuwa:

Mfungaji bora wa mashindano hadi sasa.

Kinara wa mabao wa muda wote katika historia ya Kombe la Dunia.

Messi pia ameendelea kuonyesha umuhimu wake kwa Argentina huku akiipeleka timu hiyo hatua ya mtoano.

Ronaldo chini ya shinikizo

Kwa upande mwingine, akiwa na kikosi ch Ureno imekuwa na mwanzo mgumu wa mashindano.

Ronaldo amefunga mabao mawili kati ushindi wa mabao 5-1 waliopata dhidi ya Uzbekistan. Katika mechi ya kwanza dhidi ya DR Congo hajafunga bao lolote na amekosolewa kwa kiwango chake.

Mashabiki wengi wanatarajia kuona kama ataweza kujibu ukosoaji huo katika mechi zinazofuata.

Kauli ya Faitelson

Akizungumza kwenye kipindi cha Formula Noticias, Faitelson alisema:

“Ninamlinganisha Cristiano na Messi, lakini Messi namlinganisha na Maradona na Pele.”

Kisha akaongeza: “Kwa maoni yangu, Cristiano hana nafasi kwenye meza moja na Maradona, Pele na Messi.”

Kauli hiyo inaonyesha kuwa kwa mtazamo wake, Messi tayari amefikia hadhi ya magwiji wakubwa wa historia ya soka kama Diego Maradona na Pele, huku Ronaldo akibaki katika daraja tofauti.

Mjadala usioisha

Licha ya maoni ya Faitelson, mjadala wa Messi dhidi ya Ronaldo bado unaendelea duniani kote.

Ronaldo anabaki kuwa mmoja wa wachezaji waliofanikiwa zaidi katika historia ya soka, akiwa ameshinda mataji mengi na kuvunja rekodi nyingi akiwa na klabu na timu ya taifa.

Lakini kwa mashabiki wengi, mafanikio ya Messi katika Kombe la Dunia pamoja na mafanikio yake ya muda mrefu yamezidi kuimarisha hoja kwamba yuko katika kundi la kipekee pamoja na Maradona na Pele.

Kombe la Dunia la 2026 linaweza kuwa fursa ya mwisho kwa nyota hawa wawili kuandika sura nyingine muhimu katika historia yao ya kipekee ya soka.