Ronaldo atangaza kustaafu Timu ya Taifa

LISBON, URENO: NYOTA wa soka duniani, Cristiano Ronaldo, ametangaza rasmi kustaafu kuichezea timu ya taifa ya Ureno baada ya kuitumikia nchi hiyo kwa kipindi cha miaka 23.

Ronaldo mwenye umri wa miaka 41, ametangaza uamuzi huo leo Alhamisi, Novemba 5, 2026, kupitia video aliyosambaza kwenye mitandao ya kijamii, akieleza kuwa atakabidhi jezi namba saba baada ya michezo ya mapumziko ya kimataifa ya mwezi huu.

Katika ujumbe wake wa kuaga, nahodha huyo wa Ureno amesema haikuwa rahisi kufanya uamuzi huo kwa sababu haukuhusisha akili pekee bali pia hisia za moyo.

"Nimefika wakati wa kukabidhi jezi namba saba ya timu yetu ya taifa. Kwa miaka 23 nimekuwa na bahati na wajibu wa kuivaa jezi hiyo kwa fahari," amesema Ronaldo.

Ameongeza kuwa, anajivunia nafasi aliyopewa ya kuiwakilisha nchi yake na kuwashukuru mashabiki, familia, wachezaji wenzake, makocha na wote waliokuwa sehemu ya safari yake ya kimataifa.

Ronaldo anaondoka katika timu ya taifa akiwa ameweka rekodi ya kucheza mechi 234 na kufunga mabao 146, idadi inayomfanya kuwa mchezaji mwenye mechi nyingi zaidi na mabao mengi zaidi katika historia ya soka la kimataifa kwa upande wa wanaume.

Safari yake na Ureno ilianza Agosti 2003, ikiwa ni miaka 23 iliyopita, na mafanikio yake makubwa yalikuwa kuisaidia nchi hiyo kutwaa Kombe la Euro 2016, baada ya kuifunga Ufaransa katika fainali.

Mbali na hilo, alichangia Ureno kutwaa mataji mawili ya UEFA Nations League mwaka 2019 na 2025.

Uamuzi huo unakuja baada ya kipindi cha sintofahamu kati yake na kocha wa Ureno, Jorge Jesus, kufuatia mgogoro uliohusisha matumizi yake ndani ya kikosi cha timu ya taifa.

Hata hivyo, kustaafu kwake timu ya taifa hakumaanishi mwisho wa soka lake, kwani bado anaendelea kuitumikia klabu ya Al Nassr ya Saudi Arabia.