Hizi hapa dabi hamsini EPL 2025/26

LONDON, ENGLAND: MKEKA wa ratiba ya Ligi Kuu England umeshawekwa hadharani, ambapo sasa mikikimikiki hiyo itaanza rasmi, Ijumaa ya Agosti 15, wakati mabingwa watetezi Liverpool watakaporusha kete yao ya kwanza dhidi ya Bournemouth uwanjani Anfield.

Lakini, gumzo kubwa la ratiba hiyo ya Ligi Kuu England iliyotangazwa Jumatano iliyopita ni mechi ya Manchester United na Arsenal itakayopigwa kwenye wiki ya kwanza ya michuano hiyo. Kipute hicho kitapigwa Jumapili ya Agosti 17.

Katika kujiandaa na mechi ngumu za aina kama hiyo, kocha wa Arsenal, Mikel Arteta amejiandaa kufanya usajili wa nguvu ikiwamo kusaka mastraika wa viwango vya dunia, akiwamo Alexander Isak wa Newcastle United, Viktor Gyokeres wa Sporting CP, Benjamin Sesko wa RB Leipzig na Ollie Watkins wa Aston Villa.

Hata hivyo, mashabiki wa ligi hiyo wanachowaza ni kuhusu mechi za dabi, zinapigwa lini? Kwa maelezo tu, kutakuwa na jumla ya mechi 50 kati ya 380 za EPL msimu wa 2025/26 ambazo zitakuwa za dabi baada ya ratiba hiyo iliyotolewa Jumatano.

Dabi ni mechi inayohusu timu mbili zinazotokea kwenye eneo moja kijiografia, kwamba timu za jiji moja au timu zenye upinzani mkali na kuhesabika kama mahasimu wakubwa.

Dabi nyingine zinakuwa za kihistoria tu kama ile ya Crystal Palace ya London na Brighton ya Sussex, ambayo mechi yao imekuwa ikihesabika kama dabi, kwa sababu timu hizo zilikutana mara nyingi miaka ya 1970, ikiwamo mechi tano msimu wa 1976/77.  Timu hizo zimetengananishwa na barabara ya M23.

London derby

Agosti 17:            Chelsea v Crystal Palace

Agosti 23:                      West Ham v Chelsea

Agosti 30:            Chelsea v Fulham

Septemba 13:                Brentford v Chelsea, West Ham v Tottenham

Septemba 20:                Fulham v Brentford, West Ham v Crystal Palace

Oktoba 4:                      Arsenal v West Ham

Oktoba 18:                    Fulham v Arsenal, West Ham v Brentford

Oktoba 25:                    Arsenal v Crystal Palace

Novemba 1:                  Crystal Palace v Brentford, Tottenham v Chelsea

Novemba 22:                Arsenal v Tottenham

Novemba 29:                Chelsea v Arsenal, Tottenham v Fulham

Desemba 3:                   Arsenal v Brentford

Desemba 6:                   Fulham v Crystal Palace, Tottenham v Brentford

Desemba 27:                 Crystal Palace v Tottenham, West Ham v Fulham

Desemba 30:           Brentford v Tottenham, Crystal Palace v Fulham

Januari 7:                       Fulham v Chelsea

Januari 17:           Chelsea v Brentford, Tottenham v West Ham

Januari 24:           Crystal Palace v Chelsea

Januari 31:           Chelsea v West Ham

Februari 11:                  Brentford v Arsenal

Februari 21:                  Tottenham v Arsenal

Februari 28:                  Arsenal v Chelsea, Fulham v Tottenham

Machi 4:                        Fulham v West Ham, Tottenham v Crystal Palace

Aprili 18:                       Brentford v Fulham, Crystal Palace v West Ham

Mei 2:                                      Arsenal v Fulham, Brentford v West Ham

Mei 9:                                      West Ham v Arsenal

Mei 17:                          Brentford v Crystal Palace, Chelsea v Tottenham

Mei 24:                          Crystal Palace v Arsenal

Hizi hapa dabi 50 zitakazopigwa kwenye Ligi Kuu England msimu wa 2025/26

Manchester derby

Septemba 13:                Man City v Man Utd

Januari 17:           Man Utd v Man City

Merseyside derby

Septemba 20:                Liverpool v Everton

Aprili 18:                       Everton v Liverpool

Tyne-Wear derby

Desemba 13:                 Sunderland v Newcastle

Machi 21:                      Newcastle v Sunderland

M23 derby

Novemba 8:                  Crystal Palace v Brighton

Februari 7:           Brighton v Crystal Palace