Ishu ya refa Arajiga

SIMBA ina kismati na mwamuzi, Ahmed Arajiga katika michuano ya Kombe la Shirikisho la Azam FC (ASFC), ukitofautisha na Yanga.

Arajiga ndiye hakimu wa dabi ya leo Jumamosi ambayo ni mtihani kwake, Yanga ikiwa mwenyeji wa Simba mechi ya nusu fainali ya kusaka tiketi ya kutinga fainali za ASFC.

Rekodi za Arajiga dhidi ya Simba kwenye ASFC ni habari njema kwa mashabiki wa timu hiyo, vilevile zinaweza kuzua mshtuko kwa wafuasi wa Yanga kwani ndiye aliyekuwa kati fainali ya mwaka jana, iliyopigwa Kigoma.

Mwamuzi wa zamani Mathew Akrama kutoka Mwanza, alisema sheria ni hakimu wa kweli bila kujali matarajio ya mashabiki au ulishawahi kukutana na timu husika mara ngapi uwanjani.

“Kwanza jopo lililomchagua limejua umuhimu wake, ukiachana na hilo mwamuzi anapaswa kusimamia sheria na siyo mashabiki wanataka nini, wachezaji waamue kucheza bila jukwaa, kila kitu kitakaa mahali pake,” alisema.

Mwamuzi mwingine Samwel Mpenzu, alisema anayechezesha anapangwa kulingana na kiwango chake cha kazi.

“Hakuna tatizo kama mwamuzi anafanya kazi yake vizuri kuchezesha mechi nyingi, ukiona hivyo anakuwa ameonyesha kiwango kizuri,” alisema akiongeza kuwa hata akichezesha mechi ngapi mfululizo haina tatizo kitaalam.

Mwanaspoti linakuchambulia rekodi za Arajiga alizoamua mechi za Simba na za Yanga, ikiwemo ile ya Kigoma ambayo Simba iliibuka mabingwa kwa bao la Thadeo Lwanga dakika ya 79.

LIGI KUU MSIMU HUU

Geita 1-1 Simba

Ahmed Arajiga

Yanga 1-0 Geita

Ahmed Arajiga

Yanga 2-1 Namungo

Ahmed Arajiga

Yanga 0-0 Prisons

Ahmed Arajiga

ASFC MSIMU HUU

Ruvu 0-7 Simba

16/02/2022

Hatua ya 16 ASFC

Uwanja wa Mkapa

Refa; Ahmed Arajiga

Simba 4-0 Pamba

14/05/2022

Robo Fainali ASFC

Uwanja wa Mkapa

Refa; Ahmed Arajiga

Yanga v Simba

28/05/2022

Nusu Fainali ASFC

Uwanja wa CCM Kirumba, Mwanza

Refa; Ahmed Arajiga

ASFC MSIMU ULIOPITA

Simba 3-0 Dodoma

26/05/2021

Robo Fainali ASFC

Uwanja wa Mkapa

Refa; Ahmed Arajiga

Azam 0-1 Simba

26/06/2021

Nusu Fainali ASFC

Majimaji, Songea

Refa; Ahmed Arajiga

Yanga 0-1 Simba

25/07/2021

Fainali ASFC

Lake Tanganyika, Kigoma

Refa; Ahmed Arajiga