Akpan hajui lolote

KIUNGO mpya wa Simba, Victor Akpan anayetajwa kutakiwa kutolewa kwa mkopo Coastal Union, amesema hajui lolote juu ya dili hilo linaloelezwa kufanywa kwa sababu ya kocha Zoran Maki kutokubali kiwango chake tangu awe naye kambini Misri.

Akizungumza na Mwanaspoti, kiungo mkabaji kutoka Nigeria alisema hajui lolote juu ya dili la mkopo kwa vile hajaelezwa na viongozi wala kocha. “Sijui kama nataka kutolewa kwa mkopo. Ujue nimesajiliwa hivi karibuni na nilikuwa kambini tangu timu ikiwa Misri. Kama jambo hilo lipo basi ni wewe (mwandishi) unayenieleza,” alisema Akpan aliyeisaidia na wenzake Coastal kufika fainali ya ASFC na kulala kwa Yanga.

Alipoulizwa kama yupo tayari kurudi Coastal, alisema ni mapema kwake kusema lolote.