Isha mashauzi aibuka na gauni la harusi
Muktasari:
- Gauni jeupe lenye shela, wimbo Nani Kama Mama na dua kwa wazazi wake vilikuwa miongoni mwa matukio yaliyotofautisha shoo hiyo ya maadhimisho ya miaka 20 ya Isha Mashauzi katika muziki wa Taarab.
MWIMBAJI wa Taarab, Isha Mashauzi, aliwashangaza mashabiki alipoingia ukumbini akiwa amevalia gauni jeupe lenye shela, lililompa mwonekano wa bibi harusi katika shoo ya kuadhimisha miaka 20 ya safari yake ya muziki.
Isha alifafanua mapema kuwa vazi hilo halikuwa na maana nyingine zaidi ya ubunifu wake wa mavazi, akiwataka mashabiki kutolitafsiri tofauti na alivyokusudia.
Akizungumza na watu waliokuwa ukumbini, Isha alisema: “Msinishangae sana, ni ubunifu tu wa mavazi.”
Baada ya hapo, msanii huyo alianza kutumbuiza kwa wimbo wake Nani Kama Mama, uliogeuka kuwa sehemu ya kumbukumbu za kihisia alipowakumbuka wazazi wake wote wawili, ambao wamefariki dunia.
Akiwa jukwaani, Isha aliwaombea dua wazazi wake huku akieleza kuwa angependa wangekuwepo kushuhudia maadhimisho hayo muhimu ya miaka 20 ya muziki wake.
Tukio hilo liliupa usiku huo mguso wa kipekee, likiunganisha ubunifu wa mavazi, burudani na kumbukumbu za watu waliokuwa na nafasi kubwa katika maisha ya mwimbaji huyo.
Kwa Isha, maadhimisho hayo hayakuwa tu fursa ya kusherehekea safari yake ya muziki pamoja na mashabiki, bali pia wakati wa kuwakumbuka wazazi wake na kutambua mchango wao katika maisha yake.
Gauni jeupe lenye shela, wimbo Nani Kama Mama na dua kwa wazazi wake vilikuwa miongoni mwa matukio yaliyotofautisha shoo hiyo ya maadhimisho ya miaka 20 ya Isha Mashauzi katika muziki wa Taarab.
