Wababe tenisi wanaume wanavyoteseka ATP Tour

UTTAH, MAREKANI: PENGO kati ya Jannik Sinner, Carlos Alcaraz na wengine katika ATP Tour 2026 ya tenisi halijasumbua kutoka kwa wakali wenzao, kwani katika michuano ya Australian Open amebeba Alcaraz, huku Alexander Zverev akiondoka na French Open ilhali Wimbledon imedondokea kwa Sinner na US Open ni mali ya Alexander Zverev.

Sinner, 25, ambaye anaongoza kwa ubora akiwa na pointi 11,500 alikuwa hajacheza mechi ya ushindani katika ngazi ya ATP tangu Aprili mwaka huu baada ya kujiondoa Barcelona ili kupata muda wa kushughulikia jeraha la kifundo cha mkono. Hata hivyo kesharudi na akakumbana na ugumu kukabiliana na wenzake.

Kwa mujibu wa ATP nafasi ya pili inashikwa na Alexander Zverev mwenye pointi 9,690 akifuatiwa na Carlos Alcaraz akiwa nazo 5,560 huku Ben Shelton mwenye alama 4,680.

Wakati fulani Alcaraz akiwa nje, Sinner aliendelea kushinda Madrid na Rome pia, na kuwa mchezaji wa pili pekee tangu 1990 kushinda mashindano matatu ya ATP Masters 1000 yanayochezwa kwenye uwanja wa udongo katika msimu mmoja, baada ya Rafael Nadal katika kilele cha kiwango chake 2010. Katika Australian Open mwezi Januari, Alcaraz tayari alikuwa amekuwa mwanaume mwenye umri mdogo zaidi katika historia ya tenisi kukamilisha Career Grand Slam, akivunja rekodi iliyokuwa ikishikiliwa na Don Budge tangu 1938.

Kisha, baada ya kushinda Rome mwezi Mei, Sinner akawa mchezaji wa pili pekee katika historia ya mfumo huo kukamilisha Career Golden Masters, akifikisha mafanikio hayo akiwa amecheza mashindano makubwa 62 ikiwa ni machache kuliko Novak Djokovic.

URITHI WA BIG FOUR

Ni vigumu kueleza kwa kiwango gani Novak Djokovic, Roger Federer, Rafael Nadal na Andy Murray walivyoibadilisha tenisi, na jinsi kivuli chao bado kinavyoonekana katika kila kitu kilichofuata.

Kuanzia 2005 hadi 2019, wanne hao kwa pamoja walishinda mataji 54 kati ya 60 ya Grand Slam, mashindano 107 kati ya 135 ya ATP Masters 1000, mataji 10 kati ya 15 ya ATP Finals za mwisho wa mwaka na medali zote za dhahabu za Olimpiki katika tenisi ya wanaume.

Kipindi hicho cha utawala wa muda mrefu hakikuwa cha kawaida katika historia, bali siyo cha kawaida hata sasa. Hilo ni kabla hata ya kuzingatia kwamba Djokovic na Nadal waliendelea kushinda mataji mengi ya Grand Slam mwanzoni mwa muongo huu.

Muhimu zaidi, sifa za Big Four ndani na nje ya uwanja zinaweza kuwa ndizo zilizotengeneza kwa kiasi kikubwa seti kamili ya uwezo ambao Alcaraz na Sinner wanamiliki kwa sasa. Alcaraz anacheza kama Federer, Nadal na Djokovic akiunganisha uwezo wa kupiga mipira kwa ustadi, uwezo wa kimwili na ustahimilivu.

Uwezo maalumu zaidi unaopatikana kwa wachezaji wengine katika 10 bora kwa sasa unaonekana zaidi wanapokutana na walio katika viwango vya chini ambao wanaweza kucheza kwa nguvu zaidi, kupiga mipira kwa nguvu zaidi na kushindana kutoka nyuma ya uwanja kwa muda mrefu kuliko walivyoweza katika enzi zilizopita.

Hilo linaweza kufuatiliwa kuanzia msimu wa kwanza wa ATP Tour 1990 hadi sasa. Kwa kuzingatia asilimia ya ushindi dhidi ya wapinzani walio nje ya 20 bora, huku wachezaji wakigawanywa katika makundi ya nafasi 1-5, 6-10 na 11-20, viwango hivyo vimezidi kujitenga.

Asilimia ya ushindi ya wachezaji watano bora wa ATP dhidi ya wapinzani walio nje ya 20 bora ilipanda kutoka 2009 (asilimia 92.8) hadi 2015 (asilimia 92.6), ikiwa juu zaidi ya kiwango cha asilimia 80 na kidogo cha miaka ya 1990 na 2000, wakati Big Four ilipoanza kuweka udhibiti wa karibu kabisa na pengo kati yao na wengine likapanuka kwa kasi.

Msimu wa 2024 ulifanana na kipindi hicho kwa wachezaji watano bora, waliokuwa na asilimia 90.1 ya ushindi, huku Sinner akifanya kile kinachoweza kuitwa kuruka daraja pamoja na Alcaraz ambaye tayari alikuwa amejiimarisha. Katika msimu huo pia, Djokovic alikuwa na rekodi ya 28-4 dhidi ya wapinzani wa aina hiyo, wakati Alexander Zverev na Daniil Medvedev walikuwa na rekodi za 50-6 na 36-5 mwaka huo, mtawalia.

Katika misimu 10 ya kwanza (1990-99), wastani wa tofauti ya asilimia ya ushindi kati ya kundi la nafasi 1-5 na 6-10 ulikuwa asilimia 6.0. Katika misimu 10 ya hivi karibuni, imeongezeka hadi takriban asilimia 9.3. Wachezaji bora zaidi wanazidi kuwaacha nyuma wale walio katika daraja linalofuata hata nje ya mechi zao za moja kwa moja.

Hadi sasa katika ATP Tour 2026, washindi wa Grand Slam ni Carlos Alcaraz aliyebeba ubingwa wa Australian Open, Alexander Zverev (Roland Garros (French Open) na Jannik Sinner (Wimbledon).  Kwa sasa, hali ya mambo katika ATP Tour inaonekana chini ya utawala wa wachezaji wawili wenye nguvu, mchezaji mmoja muhimu anayewafuatia, na kundi linalopungua la wapinzani wenye uwezo wa kweli wa kuwapa changamoto walio juu yao.

VIWANGO WA UBORA ATP TOUR 2026

1. Jannik Sinner (Italia)  

2. Alexander Zverev       (Ujerumani)

3. Carlos Alcaraz                (Hispania)

4. Ben Shelton   (Marekani)

5. Felix Auger-Aliassime (Canada)

6. Daniil Medvedev         (Russia)

7. Flavio Cobolli (Italia)

8. Novak Djokovic            (Serbia)

9. Alex de Minaur            (Australia)

10. Frances Tiafoe            (Marekani)