Mabeki wamliza kocha Uhamiaji
Muktasari:
- Oktoba 4, 2026, Uhamiaji ilipoteza mechi hiyo ya Ligi Kuu Zanzibar kwa kukubali kichapo cha mabao 3-1 kutoka kwa JKU kwenye Uwanja wa Mao A, Unguja.
WAKATI Uhamiaji ikifungwa kwa mara ya kwanza Ligi Kuu Zanzibar, Kocha Mkuu wa timu hiyo, Sheha Khamis mesema safu ya beki ilifanya makosa yaliyochangia kipigo hicho.
Oktoba 4, 2026, Uhamiaji ilipoteza mechi hiyo ya Ligi Kuu Zanzibar kwa kukubali kichapo cha mabao 3-1 kutoka kwa JKU kwenye Uwanja wa Mao A, Unguja.
Kocha Sheha amesema hawakupaswa kufungwa kwa namna ambavyo timu ilicheza na mipango lakini mabeki walishindwa kufuata maelekezo yake hasa kipindi cha kwanza na hatimaye kupoteza.
“Safu ya beki ilifanya makosa ambayo wapinzani walichukulia kuwa faida kwao na kutuadhibu, licha ya kutengeneza nafasi nyingi kuliko JKU, bahati haikuwa kwetu, tukapoteza,” amesema.
Amesema baadhi ya makosa yaliyojitokeza katika mchezo huo watayafanyia kazi kuhakikisha hayajirudii katika mechi inayofuata dhidi ya Mafunzo itakaochezwa Oktoba 10, 2026.
Licha ya kupoteza mchezo huo, Uhamiaji imeendelea kusalia nafasi ya pili ikiwa na pointi 15 baada ya kucheza mechi sita, ikishinda tano.
