Mambo matano kuamua picha la Liverpool, Arsenal

LIVERPOOL, ENGLAND: LIVERPOOL itakuwa mwenyeji wa Arsenal katika mchezo mkubwa zaidi wa wiki ya tisa ya Ligi Kuu England utakaopigwa leo Jumapili, Anfield. Kwa kuzingatia ukubwa wa mchezo huo kuna mambo kibao yanayoweza kujitokeza katika mechi hiyo, lakini yapo matano muhimu yanayoweza kuathiri matokeo ya pambano hilo.

Kutolewa kwa Arsenal katika Kombe la Carabao na Fleetwood Town, timu inayoshiriki Ligi Daraja la Nne, wiki hii, ilikuwa moja ya matokeo ya kushangaza zaidi katika historia ya hivi karibuni ya michuano hiyo. Hata hivyo, kwa ujumla timu hiyo imekuwa na msimu mzuri.

Kipigo cha mabao 3-0 dhidi ya Brighton ndicho kilichoharibu mwanzo mzuri wa Arsenal katika utetezi wa ubingwa wa Ligi Kuu England, na  mabingwa hao wamevuna ushindi katika mechi zote saba za ligi walizocheza tangu hapo, wakirejea vizuri mwezi uliopita kwa kuzifunga Leeds United, Nottingham Forest na Everton. Hata hivyo, mtihani mkubwa zaidi huenda ukawa leo Jumapili watakapokuwa Anfield kukabiliana na Liverpool, ambao wanaonekana kuanza kupata utulivu chini ya kocha Andoni Iraola.

Liverpool pia walipata kipigo cha mabao 3-0 hivi karibuni nyumbani dhidi ya Manchester City, lakini ushindi wao katika mechi tatu kati ya nne za mwisho za ligi dhidi ya Bournemouth, Brentford na Brighton umekuwa wa kuvutia. 

Mwenendo mzuri wao uliendelea Jumatano walipofuzu  robo fainali ya Carabao baada ya kuifunga Chelsea kwa penalti kufuatia sare ya 1-1 Anfield. Na katika mchezo wa leo unaotarajiwa kuwa wa pekee, ukiwa na mazingira yenye msisimko twende pamoja katika mambo matano yanayoweza kujitokeza

LIVERPOOL SIYO RAHISI, ARSENAL ANFIELD MTIHANI

Kama inavyotarajiwa kwa timu mbili ambazo zimekuwa miongoni mwa bora zaidi Ulaya katika miaka ya karibuni, mechi za Liverpool na Arsenal mara nyingi zimekuwa na ushindani mkubwa. Liverpool wameshinda mchezo mmoja tu kati ya minane ya mwisho ya Ligi Kuu England dhidi ya Arsenal, wakitoka sare tano na kupoteza mbili.

Ushindi huo mmoja ulikuwa wa mabao 1-0 nyumbani msimu uliopita, kutokana na mkwaju wa adhabu wa moja kwa moja wa Dominik Szoboszlai. Wakati huohuo, Arsenal hawajashinda katika mechi 13 za mwisho za ligi walizocheza ugenini dhidi ya Liverpool, wakitoka sare tano na kupoteza nane, tangu ushindi wa mabao 2-0 msimu wa 2012-13.

Arsenal hawajawahi kufikisha mechi 14 bila ushindi ugenini dhidi ya Liverpool katika historia ya ligi. Pia walikuwa na mfululizo wa mechi 13 bila ushindi kati ya 1975-76 na 1987-88, kabla ya kuvunja rekodi hiyo kwa ushindi maarufu wa mabao 2-0 katika siku ya mwisho ya msimu wa 1988-89, uliowapa ubingwa wa Daraja la Kwanza.

Huu unaweza kuwa mchezo wa kihistoria kwa Arsenal. Wanahitaji ushindi mmoja kufikisha ushindi wa 300 wa ugenini katika Ligi Kuu England, na kuwa timu ya pili kufikia idadi hiyo baada ya Manchester United ambao wana ushindi 328. Kwa bahati mbaya watakuwa wakicheza katika uwanja ambao wana rekodi mbaya zaidi ya ushindi katika Ligi Kuu England.

Katika viwanja ambavyo Arsenal wamecheza angalau mara 10, hakuna wanachokuwa na kiwango cha chini zaidi cha ushindi kuliko Anfield, ambako wameshinda mara sita katika safari 34, sawa na asilimia 18.

Iraola anaingia katika mchezo huo akiwa amepoteza mechi mbili kati ya 27 za Ligi Kuu England alizosimamia mwaka 2026, akishinda 12 na sare 13. Moja ya vipigo hivyo kilikuwa dhidi ya Manchester City, ambapo timu yake ilikuwa na uwezekano wa kuwa bora zaidi hadi kadi nyekundu yenye utata ya Ryan Gravenberch ilipobadilisha mwelekeo wa mchezo.

Kipigo kingine kilikuwa nyumbani dhidi ya Arsenal alipokuwa bado kocha wa Bournemouth, Januari. Hata hivyo, kiwango hicho ni asilimia ndogo zaidi ya kushindwa kwa kocha katika mwaka mmoja kwa wale waliosimamia angalau mechi 20 tangu Jurgen Klopp aliposhindwa mechi moja  kati ya 37 mwaka 2019, sawa na asilimia tatu.

Mikel Arteta mzaliwa wa Basque, Hispania kama Iraola, atakuwa na matumaini ya kuongeza kiwango. Kuna jambo lazima libadilike... isipokuwa kama mchezo utaisha kwa sare.

ARSENAL WATAPATA WAPI MABAO YAO?

Kuna mambo machache sana ya kuikosoa Arsenal. Ni timu bora, jambo lililothibitishwa na kutwaa ubingwa wa Ligi Kuu England msimu uliopita na kukaribia kutwaa ule wa Ligi ya Mabingwa Ulaya kabla ya kupoteza kwa penalti. Hata hivyo, bado kuna hisia kwamba hawana shida kubwa katika safu ya ushambuliaji kama inavyoonekana kwa timu ya kiwango chao.

Bila shaka, safu yao bora ya ulinzi inamaanisha kwamba hawahitaji kufunga mabao mengi kila wakati, lakini je, hali hiyo inaweza kuendelea kwa muda mrefu? Licha ya kushinda mechi saba kati ya nane, timu nne zimefunga mabao mengi zaidi ya Arsenal katika ligi hiyo msimu huu, ambao wamefunga mabao 13.

Aidha, ni timu nane tu ambazo zimepiga mashuti machache kuliko Arsenal, ambao wamepiga 107.Arsenal watakutana na Liverpool ambao wameweka rekodi ya kutoruhusu kufungwa katika mechi nne kati ya sita za mwisho za Ligi Kuu England.

Hakuna timu nyingine iliyofanya vizuri zaidi tangu mwanzoni mwa Septemba. Msimu uliopita, Liverpool walikuwa timu pekee iliyowazuia Arsenal kufunga katika mechi zote mbili za ligi walizokutana, kwa ushindi wa 1-0 Anfield na suluhu (0-0) Emirates. Ni timu tatu tu zilizofungwa mabao machache kuliko Liverpool katika Ligi Kuu England msimu huu, ambao wameruhusu manane.

Liverpool wangekuwa na rekodi bora zaidi ya ulinzi, sawa na Arsenal, kama siyo mabao matatu waliyofungwa baada ya kupunguzwa mchezaji dhidi ya Manchester City. Ndiyo, kusema kwamba “wangekuwa wamefungwa mabao machache kama wasingefungwa mabao hayo” kunaweza kuwa hoja dhaifu, lakini Liverpool wakiwa na wachezaji 11 uwanjani wanaonekana kuwa imara katika safu ya ulinzi.

Zaidi ya hayo, Arsenal pekee, kwa 6.5, ndio wenye idadi ndogo ya mabao yanayotarajiwa kutokana na mashuti yaliyolenga lango (xGOT) kuruhusu, ikilinganishwa na Liverpool wenye 7.8.

Hii ina maana kwamba kwa kuzingatia maeneo ambayo mashuti ya wapinzani wao yameelekezwa, timu hizo mbili ndizo zilizoruhusu mashuti machache zaidi yenye hatari kubwa katika ligi hiyo. Hata hivyo, mchezo huo bado unatarajiwa kuwa wa kusisimua.

RONALD ARAUJO ANAVUTIA LIVERPOOL

Ronald Araujo, mchezaji mwenye nguvu katika kila eneo, anaonekana kuendana vizuri na Liverpool. Kama ilivyoelezwa hapo awali, Arsenal wana safu imara ya ulinzi. Hata bila William Saliba ambaye ni majeruhi, mabingwa hao wameendelea kuwa bora katika ulinzi msimu huu, huku Ezri Konsa akifanya vizuri katika nafasi ya beki wa kati.

Timu hiyo ya Arteta ina idadi kubwa zaidi ya mechi za kutoruhusu kufungwa katika Ligi Kuu England msimu huu wa 2026-27, ikiwa na tano, sawa na timu nyingine. Wamekabiliwa na mashuti machache zaidi yaliyolenga lango, 24, wameruhusu idadi ya ndogo ya mabao yanayotarajiwa  zaidi, 6.2, na wamekabiliwa na nafasi chache zaidi za wazi za kufungwa, 11.

Katika mwaka 2026, Arsenal wameweka rekodi ya kutoruhusu kufungwa katika asilimia 56 ya mechi zao za ligi sawa na mechi 15 kati ya 27. Hiyo ni rekodi ya tatu bora katika mwaka mmoja, nyuma ya 1998  walipoweka ya asilimia 61, mechi 23 kati ya 38, na mwaka 1903 walipofikisha asilimia 59, mechi 19 kati ya 32.

Msimu uliopita, mkwaju wa adhabu wa Szoboszlai uliokuwa wa kuvutia ulivunja ukuta wa ulinzi katika mchezo huu. Hata hivyo, Iraola atakuwa na matumaini kwamba safu yake ya ushambuliaji iliyosajiliwa kwa gharama kubwa inaweza kupata njia ya kupenya leo, Jumapili.

Baada ya kukosolewa sana hivi karibuni, Florian Wirtz ameimarika kwa kutoa mchango wa mabao matatu katika mechi nne za mwisho, bao moja na asisti mbili. Mkwaju wake dhidi ya Brighton ulisababisha bao la kujifunga lililowapa Liverpool bao la kuongoza mwishoni mwa wiki iliyopita.

Staa mpya kutoka PSG, Bradley Barcola alifanya kazi nzuri kumtengenezea Alexander Isak nafasi ya kufunga bao la pili, huku winga huyo wa Ufaransa akiwa na mchango wa mabao matano katika mechi nne za mwisho, mabao matatu na asisti mbili.

Isak amekuwa katika kiwango kizuri zaidi, ambapo Mswideni huyo amefunga mabao sita katika mechi sita za mwisho za Ligi Kuu England, sawa na theluthi mbili ya mabao yote ya Liverpool katika michezo hiyo, mabao sita kati ya tisa.

Ana wastani bora zaidi wa dakika kwa bao kwa mchezaji yeyote aliyefunga chini ya Iraola katika klabu za ligi kuu tano bora za Ulaya, akifunga kila baada ya dakika 95.

Hata hivyo, kuipita safu ya ulinzi ya Arsenal ni jambo tofauti. Safu ya ushambuliaji ya Liverpool itahitaji kuwa katika kiwango bora kupenya ulinzi wa mabingwa watetezi.

VITA SAFU YA KIUNGO

Ni msemo wa kawaida kusema kwamba mchezo mkubwa utaamuliwa katika safu ya kiungo, lakini hilo ni kwa sababu mara nyingi huwa kweli. Arsenal wana safu ya kiungo inayotamaniwa na timu nyingi, na wachezaji wao wote wako katika kiwango kizuri.

Declan Rice, mwenye pasi 91, na Martin Odegaard mwenye pasi 90, wamepiga pasi nyingi zaidi zilizovunja mistari ya wapinzani na kuishia katika theluthi ya mwisho ya uwanja kuliko mchezaji mwingine yeyote katika Ligi Kuu England msimu huu. Kimsingi hakuna mchezaji mwingine aliyefikisha zaidi ya pasi 77, idadi iliyofikiwa na Granit Xhaka.

Bruno Guimaraes pia ameanza vizuri, akitokea benchi na kufunga mabao ya ushindi dhidi ya Sunderland na Leeds United. Alikosa penalti muhimu dhidi ya Fleetwood, lakini kwa ujumla mchezaji huyo wa zamani wa Newcastle amekuwa na mwanzo mzuri wa maisha yake London.

Safu ya kiungo ya Liverpool haijashawishi sana hivi karibuni. Ilionekana kuwa chanzo cha matatizo makubwa msimu uliopita, huku Alexis Mac Allister na Ryan Gravenberch wakikosolewa sana.  Hata hivyo, Mac Allister amebadilisha mambo kwa kiasi kikubwa.

Baada ya kufanya vizuri katika Kombe la Dunia 2026 akiwa na Argentina, ameonekana kurejesha kiwango chake bora chini ya Iraola. Mac Allister ni mmoja wa wachezaji watatu walioonekana katika mechi zote 12 za Liverpool msimu huu.

Gravenberch hajafikia kiwango hicho, akiwa na mwanzo usio na bora sana wa msimu, lakini alikuwa bora Anfield dhidi ya Manchester City kabla ya kupewa kadi nyekundu. Szoboszlai ana shaka kuwa fiti baada ya kupata jeraha la misuli ya paja katika mchezo dhidi ya Brentford.

Kwa hiyo, inaonekana kuna uwezekano mkubwa kwamba Mac Allister na Gravenberch wataanza pamoja, huku Wirtz akicheza kama kiungo mshambuliaji namba 10. Je, wataweza kuwazidi Rice na Odegaard walio katika kiwango bora? Jibu la swali hilo linaweza kuwa na mchango mkubwa kuamua matokeo ya mchezo.

MIPIRA ILIYOKUFA ITAAMUA MECHI?

Jaribu kufikiria kuhusu Arsenal bila kutaja mipira iliyokufa. Msimu uliopita, kila mtu alikuwa akizungumzia hilo, kwani Arsenal walifunga mabao mengi zaidi kutokana na kona, 19, kuliko timu nyingine yoyote katika msimu mmoja wa Ligi Kuu England. Hata hivyo, hadi mwishoni mwa wiki iliyopita, walikuwa hawajafunga bao lolote la kona msimu huu wa 2026-27.

Hilo lilibadilika Konsa alipofunga bao mapema dhidi ya Everton, na bado ni eneo ambalo Arteta anaweza kulitumia kushinda mechi.

Ingawa alifanya kazi nzuri sana Bournemouth msimu uliopita na kuiwezesha kumaliza nafasi ya sita, Iraola alishindwa kuizuia timu yake kufungwa mabao kutokana na mipira iliyokufa.

Bournemouth iliruhusu mabao 20 kutokana na kona, mipira ya adhabu na mipira ya kurusha kwa mkono, ikiwa ni idadi kubwa zaidi kwa pamoja katika Ligi Kuu England, sawa na Liverpool na Crystal Palace.

Hata hivyo, Liverpool ya Iraola ni moja ya timu mbili pekee ambazo hazijaruhusu bao lolote la mpira uliokufa lisilotokana na penalti katika Ligi Kuu England msimu huu, pamoja na Brentford.

Arsenal wana mabao yanayotarajiwa (xG) ya 3.4 kutokana na kona msimu huu, na kwa kuwa Konsa amefunga moja kutokana na hali hiyo, mambo yanaweza kuanza kubadilika na kuendana na takwimu zao katika kipindi kijacho.

Hata hivyo, Liverpool wana safu ya ulinzi yenye Virgil van Dijk, Jeremy Jacquet na Ronald Araujo, ambayo imejipanga vizuri kukabiliana na mipira hiyo. Ni Tarik Muharemovic wa Leeds pekee mwenye mipira 40 ya kichwa iliyookolewa ndiye aliyepiga mingi zaidi ya Van Dijk mwenye 38 katika Ligi Kuu England msimu huu.