Makonda awakingia kifua watayarishaji wa maudhui mtandaoni
Muktasari:
- Aidha, Makonda amewataka wasanii mbalimbali kuendelea kuchukua fursa za kuchangamkia Sh2 bilioni ambazo zimetolewa kwa ajili ya kutoa hamasa kwa wasanii kutokana na kazi zao.
WAZIRI wa Habari, Utamaduni, Sanaa na Michezo, Paul Makonda amewapongeza watengenezaji wa maudhui mtandaoni (Content Creator), kwa kazi kubwa ya wanayoendelea kuifanya ya kuitangaza nchi nje ya nchi.
Akizungumza na Waandishi wa Habari jijini, Dar es Salaam, Makonda amesema licha ya changamoto kubwa kwa baadhi ya watengeneza maudhui, ila wengi wao wanafanya vizuri jambo linaloonyesha umuhimu wa taifa letu.
"Niwapongeze sana kwa kazi kubwa wanaofanya, siwezi kuwahukumu nikiona mmaenda tofauti, kwa sababu unaweza ukawa na watoto saba ila mmoja wenu akaenda kinyume tu, hadi wenyewe mkajiuliza huyu kweli anatoka familia hii," amesema Makonda.
Aidha, Makonda amewataka wasanii mbalimbali kuendelea kuchukua fursa za kuchangamkia Sh2 bilioni ambazo zimetolewa kwa ajili ya kutoa hamasa kwa wasanii kutokana na kazi zao.
