VIDEO: Lingalangala: Manji ndio Mwenyekiti wetu
Muktasari:
Thobias Lingalangala amekubali kwa moyo mmoja kuachia nafasi ya kaimu mwenywkiti wa klabu ya Yanga baada ya kuona bariua ya Mwenyekiti wa klabu hiyo, Yusuph Manji.
ALIYEPITISHWA kukaimu nafasi ya Mwenyekiti wa klabu ya Yanga, Thobias Lingalangala, amefunguka kwamba hakaimu tena nafasi hiyo baada ya mwenyekiti kurudi.
Akizungumza na Mwanaspoti baada ya mkutano wa baraza la wadhamini kumalizika, alisema hakuna sababu ya yeye kuendelea kukaimu nafasi hiyo kwani katiba haimruhusu.
"Barua tayari imeshaandikwa na Mwenyekiti kwamba anarejea kwa hiyo mimi naqezaje kukaimu nafasi hii, nilikaimu kwa sababu mwenyekiti hakuwepo na si vinginevyo," alisema.
Wakati huo huo Mwenyekiti wa Baraza la wadhamini, George Mkuchika, alisema nafasi ya Lingalangala haitambuliwi lakini hivi sasa hakuna tofauti baina yao na Lingalangala.
"Lingalangala hana tofauti yoyote hata na Lukumay wala sisi, tayari wameshashikana mikono na tupo nae pamoja sisi Yanga ni watu wa moja," alisema.
