Matheo ashikiria rekodi SportPesa
Dar es Salaam: Hadi timu zinakwenda hatua ya fainali ya mashindano ya SportPesa, mshambuliaji wa Yanga, Matheo Anthony ndiye mchezaji pekee kutoka Tanzania aliyefunga bao ndani ya dakika 90 za mchezo katika michuano hiyo.
Matheo ambaye kikosi chake kilitolewa hatua ya robo fainali na Kakamega, alifunga bao hilo kwa njia ya faulo iliyokwenda moja moja wakati timu yake ilipokula kichapo cha mabao 3-1.
Simba ambayo imeingia fainali baada ya kuifunga Kariobang Sharks kwa penalti pia iliichapa Kakamega Homeboyz hatua nusu fainali kwa penalti, iko hivyo pia kwa Singida ambayo sasa iko uwanjani inakipiga na Gor Mahia.
