Mwili wa bondia Ibrahim Najim kuzikwa Kyela
Marehemu,Najim Mohammed (kulia) akipambana na Laurent Segu Jumapili katika uwanja wa Jamhuri Jijini Dodoma.Baada ya pambano hilo alikimbiza Hospitali ya Rufaa ya Mkoa wa Dodoma (General) hadi jana mauti yalipomkuta.
Muktasari:
- Najum alianguka ulingoni jumapili iliyopita baada tu ya kumalizika kwa pambano lake la raundi nne dhidi ya bondia Laurent Segu wa Dodoma na kuwahishwa hospitali ya Rufaa ya Mkoa wa Dodoma (General).
Dodoma.Mwili wa bondia wa ngumi za kulipwa nchini, Ibrahim Najim unatarajiwa kuzikwa wilayani Kyela Mkoani Mbeya.
Najum alianguka ulingoni jumapili iliyopita baada ya kumalizika kwa pambano lake la raundi nne dhidi ya bondia Laurent Segu wa Dodoma na kuwahishwa hospitali ya Rufaa ya Mkoa wa Dodoma (General).
Katika pambano hilo, Najim alipigwa kwa pointi na inadaiwa alifanyiwa upasuaji mdogo wa kichwa hadi asubuhi ya jana hali yake ilizidi kuimarika kabla ya kufikwa na mauti mchana wa jana
Bondia huyo alikuwa amecheza mapambano matatu ya ngumi za kulipwa pamoja na la Jumapili iliyopita, ambapo ameshinda moja na kupoteza mawili.
Kaka wa marehemu Richard Chawinga amesema wapo njiani wakielekea Kyela kwa ajili ya mazishi ya mabondia huyo na wakifika watakaa kikao kujua anazikwa lini.
“Tupo njiani tukielekea Mbeya tukifika ndio tutajua utaratibu wa mazishi upoje maana kuna ndugu zetu wanatusubiria kule, ila tutamhifadhi nyumbani Kyela”amesema Chawinga.
