JKU Princess yaendelea kugawa dozi Zanzibar
Muktasari:
- Timu hiyo imeichakaza Dunga Queens kwa kuifunga mabao 9-0 katika mchezo uliopigwa Mao B, jana Juni 24, 2025.
TIMU ya JKU Princess, imeendeleza ubabe katika Ligi Kuu Soka Wanawake Zanzibar (WPL) baada ya kuichapa Dunga Queens mabao 9-0.
Mchezo huo uliopigwa Juni 24, 2025 jioni kwenye Uwanja Mao B, mjini Unguja, JKU Princess imejitengenezea rekodi ya kufunga mabao mengi katika mchezo mmoja wa ligi hiyo.
Katika mchezo huo, JKU Queens ilionekana kutawala zaidi kwa kupeleka mashambulizi ndani ya lango la wapinzani wao juhudi ambazo zilizaa matunda mapema kipindi cha kwanza kumalizika ikiongoza mabao 6-0.
Kipindi cha pili, Dunga Queens ilionekana kucheza kama timu iliyokata tamaa baada ya kuruhusu idadi hiyo ya mabao, hali iliyofanya kufungwa mengine matatu.
Mzunguko wa tatu wa ligi hiyo utaendelea jioni ya leo kwa kuzikutanisha Sauti Sisters na Warriors Queens.
