Bi Sonia afariki dunia
Dar es Salaam. Msanii wa filamu Farida Sabu maarufu kwa jina la 'Mama Sonia' amefariki.
Mama Sonia amewahi kutesa katika maigizo mbalimbali ya kundi la Kaole na karibuni alitamba na tamthiliya ya Kapuni.
Taarifa hiyo imethibitishwa leo Alhamisi Julai 21, 2022 na Mwenyekiti wa Chama cha Waigizaji, Chiki Mchoma
Mchoma amesema mama Sonia amekutwa na umauti leo akiwa Zanzibar kwa mtoto wake aliyekuwa akimuuguza.
"Msiba upo Zanzibar na atazikwa hukohuko," amesema Mchoma
Mara ya mwisho alikuwa akionekana katika tamthiliya ya Ndoano iliyokuwa inaruka kituo cha Azam ambayo ilishirikisha wasaniii waliowahi kuigiza Kaole ikijulikana kama kundi la 'Return of Kaole'
