Kama huwajui vigogo wa Afcon 2025, ni hawa hapa

RABAT, MOROCCO: MASHINDANO ya Kombe la Mataifa ya Afrika 2025 yanaleta pamoja timu bora zaidi kutoka bara zima la Afrika kuonyesha ubabe huko Morocco.

Timu za soka za taifa kutoka mataifa 24 zitashiriki katika mashindano hayo makubwa, kila moja likiwa na historia yake, mbinu yake ya uchezaji na malengo yake.

Makala haya yanakupa kwa muhtasari timu zote zinazowania ubingwa huo wa Afrika, kwamba zitakwenda zikiwa na uzoefu gani katika mashindano hayo na zitaongozwa na makocha gani katika mchakamchaka huo.

Morocco

Morocco, ikiwa mwenyeji wa AFCON 2025, inalenga kutwaa ubingwa wa Afrika kwa mara ya pili katika historia yake. Chini ya kocha Walid Regragui, Simba wa Atlas wanatafuta kurejea kiwango kilichowafanya kuweka rekodi ya kipekee kwa bara hili ilipofika nusu fainali ya Kombe la Dunia 2022.

Jina la Utani: Simba wa Atlas

Kocha Mkuu: Walid Regragui

Mara ilizoshiriki AFCON: 20

Nafasi ya FIFA: 12

Mali

Ikiwa na jina la utani “The Eagles”, Mali inashiriki AFCON kwa mara ya 14. Baada ya kufuzu vizuri na kuja na wachezaji wenye uzoefu akiwemo Yves Bissouma, timu hiyo itakwenda Morocco ikiwa na matumaini ya kutwaa taji lake la kwanza kabisa.

Jina la Utani: The Eagles

Kocha Mkuu: Tom Saintfiet

Mara ilizoshiriki AFCON: 14

Nafasi ya FIFA: 54

Zambia

Zambia, maarufu kama Chipolopolo, inasaka kuandika historia mpya tangu ilipotwaa taji la Afcon 2012. Chini ya uongozi wa kocha Moses Sichone, matumaini ya mafanikio mapya yako juu kwenye kiwango cha juu.

Jina la Utani: Chipolopolo

Kocha Mkuu: Moses Sichone

Mara ilizoshiriki AFCON: 18

Nafasi ya FIFA: 83

Comoros

Kisiwa hiki kutoka Bahari ya Hindi kinaendelea kupanda katika soka la Afrika. Baada ya kuibuka kwa kishindo kwenye AFCON 2021, timu hii itarejea ikiwa na nia ya kuleta maajabu zaidi.

Jina la Utani: The Coelacanths

Kocha Mkuu: Stefano Cusin

Mara ilizoshiriki AFCON: 1

Nafasi ya FIFA: 107

Misri

Misri, maarufu kama “The Pharaohs”, ndio wenye rekodi ya mataji saba ya AFCON. Baada ya kufika fainali 2017 na 2021, Misri inakwenda Morocco kwa dhamira ya kurudisha hadhi yao barani Afrika.

Jina la Utani: The Pharaohs

Kocha Mkuu: Hossam Hassan

Mara ilizoshiriki AFCON: 27

Nafasi ya FIFA: 35

Afrika Kusini

Bafana Bafana, mabingwa wa Afcon 1996, wanakwenda Morocco kama moja ya timu zenye kiwango kizuri barani Afrika. Baada ya kufuzu bila kupoteza mechi, timu imejijenga juu ya ushindi wa nafasi ya tatu AFCON 2023.

Jina la Utani: Bafana Bafana

Kocha Mkuu: Hugo Broos

Mara ilizoshiriki AFCON: 11

Nafasi ya FIFA: 57

Angola

Palancas Negras inawasili Morocco ikiwa na ari ya kutwaa taji lake la kwanza. Baada ya kufuzu bila kupoteza na kuwa na kikosi imara, wanachukuliwa kama wagumu kubashiri.

Jina la Utani: Palancas Negras

Kocha Mkuu: Patrice Beaumelle

Mara ilizoshiriki AFCON: 9

Nafasi ya FIFA: 85

Zimbabwe

Zimbabwe, The Warriors, inarejea AFCON kwa mara ya kwanza tangu 2021. Kwa soka la kujiimarisha kwenye ulinzi imara na mashambulizi ya kushtukiza, inatarajia kuvuka hatua ya makundi.

Jina la Utani: The Warriors

Kocha Mkuu: Michael Nees

Mara ilizoshiriki AFCON: 5

Nafasi ya FIFA: 116

Nigeria

Nigeria, maarufu kama Super Eagles, ni moja ya nguvu kubwa za soka barani Afrika, ikiwa na mataji matatu na mara tano washindi wa pili. Wakiwa chini ya Éric Sekou Chelle, na nyota kama Victor Osimhen, wanawinda taji lao la nne.

Jina la Utani: The Super Eagles

Kocha Mkuu: Eric Sekou Chelle

Mara ilizoshiriki AFCON: 17

Nafasi ya FIFA: 44

Tunisia

Tunisia, The Carthage Eagles, ni miongoni mwa timu thabiti zaidi AFCON, ikiwa na ushiriki mara 22 na taji moja (2004). Chini ya Sami Trabelsi, wanatafuta taji baada ya miaka 20.

Jina la Utani: The Carthage Eagles

Kocha Mkuu: Sami Trabelsi

Mara ilizoshiriki AFCON: 22

Nafasi ya FIFA: 49

Uganda

Uganda inakwenda Morocco kwenye Afcon kwa mara ya nane, ikiendeleza sifa yake kama timu ngumu. Chini ya Paul Put, The Cranes wanajulikana kwa nidhamu na uimara.

Jina la Utani: The Cranes

Kocha Mkuu: Paul Put

Mara ilizoshiriki AFCON: 8

Nafasi ya FIFA: 88

Tanzania

Taifa Stars imefuzu AFCON mfululizo kwa mara ya kwanza katika historia. Chini ya Miguel Ángel Gamondi, wanajivunia mchezo wa kasi na ubunifu.

Jina la Utani: The Taifa Stars

Kocha Mkuu: Miguel Ángel Gamondi

Mara ilizoshiriki AFCON: 4

Nafasi ya FIFA: 103

Senegal

Senegal inaingia kama mojawapo ya vinara na bingwa wa 2021. Chini ya Pape Thiaw, inakwenda huko Morocco ikiwa na mchanganyiko wa uzoefu na vipaji vipya.

Jina la Utani: The Lions of Teranga

Kocha Mkuu: Pape Thiaw

Mara ilizoshiriki AFCON: 15

Nafasi ya FIFA: 19

DR Congo

Leopards inarejea AFCON ikiwa na historia yenye fahari. Chini ya Sebastien Desabre, inategemea kasi ya mpito na mashambulizi ya nguvu.

Jina la Utani: The Leopards

Kocha Mkuu: Sebastien Desabre

Mara ilizoshiriki AFCON: 19

Nafasi ya FIFA: 61

Benin

Benin, The Cheetahs, inarejea ikiwa na matumaini ya kurudia mafanikio ya robo fainali ya kwenye Afcon 2019.

Jina la Utani: The Cheetahs

Kocha Mkuu: Gernot Rohr

Mara ilizoshiriki AFCON: 4

Nafasi ya FIFA: 95

Botswana

Botswana, The Zebras, inarejea baada ya kufuzu kwa mara ya pili tangu 2012, ikiwa na matumaini mapya chini ya kocha Morena Ramoreboli.

Jina la Utani: The Zebras

Kocha Mkuu: Morena Ramoreboli

Mara ilizoshiriki AFCON: 1

Nafasi ya FIFA: 136

Algeria

Algeria inakwenda Afcon 2025 na shabaha ya taji lake la tatu, baada ya mafanikio ya 1990 na 2019. Chini ya Vladimir Petkovic, timu hiyo inataka kurejesha heshima yake.

Jina la Utani: The Desert Foxes

Kocha Mkuu: Vladimir Petkovic

Mara ilizoshiriki AFCON: 20

Nafasi ya FIFA: 36

Burkina Faso

The Stallions wanataka kulitwaa taji kwa mara ya kwanza. Chini ya Brama Traore na uongozi uwanjani wa staa Edmond Tapsoba, wana malengo makubwa.

Jina la Utani: The Stallions

Kocha Mkuu: Brama Traore

Mara ilizoshiriki AFCON: 13

Nafasi ya FIFA: 64

Equatorial Guinea

Nzalang Nacional ni mabingwa wa kushtua wapinzani. Chini ya kocha Juan Micha, wanakuja na uchezaji wenye uwiano na uimara.

Jina la Utani: Nzalang Nacional

Kocha Mkuu: Juan Micha

Mara ilizoshiriki AFCON: 4

Nafasi ya FIFA: 92

Sudan

Sudan inarejea baada ya kukosa AFCON 2023. Chini ya James Kwesi Appiah, inataka kuonyesha kuwa bado ina uwezo wa kushindana.

Jina la Utani: The Falcons of Jediane

Kocha Mkuu: James Kwesi Appiah

Mara ilizoshiriki AFCON: 10

Nafasi ya FIFA: 114

Ivory Coast

Ivory Coast, bingwa mtetezi wa 2023, inakuja kutetea taji. Wakiwa na mataji matatu, wanataka kuimarisha nafasi yao kama vigogo wa bara.

Jina la Utani: Tembo

Kocha Mkuu: Emerse Fae

Mara ilizoshiriki AFCON: 25

Nafasi ya FIFA: 41

Cameroon

Simba Wasioshindika, wenye mataji matano, wanarejea wakitaka kuendeleza hadhi yao. Chini ya Marc Brys, wanakuja na kujiamini baada ya kufuzu vizuri.

Jina la Utani: Simba Wasioshindika

Kocha Mkuu: Marc Brys

Mara ilizoshiriki AFCON: 21

Nafasi ya FIFA: 50

Gabon

The Panthers wanarejea AFCON 2025 baada ya kukosa fainali zilizopita. Wakiwa na kocha Thierry Mouyouma na nahodha Pierre-Emerick Aubameyang, wanatarajia kufika mbali zaidi ya robo fainali.

Jina la Utani: The Panthers

Kocha Mkuu: Thierry Mouyouma

Mara ilizoshiriki AFCON: 8

Nafasi ya FIFA: 79

Msumbiji

The Mambas wanarejea AFCON wakitaka kuvuka hatua ya makundi kwa mara ya kwanza, chini ya kocha Chiquinho Conde.

Jina la Utani: Mamba

Kocha Mkuu: Chiquinho Conde

Mara ilizoshiriki AFCON: 5

Nafasi ya FIFA: 85