Lema amtaja Raphael Daud
MTANZANIA Michael Lema anayecheza soka la kulipwa Austria kwenye klabu ya TSV Hartberg, amesikitishwa na kupotea kwa aliyekuwa kiungo wa Mbeya City na Yanga, Raphael Daud.
Lema alisema jina la Raphael Daud bado lipo kichwani mwake maana ni mchezaji ambaye alikuwa akiamini kuwa anaweza kucheza soka la kulipwa Ulaya.
“Alikuwa akifanya vizuri Yanga lakini mara alizimika kama mshumaa, sijui ni shida gani iliyotokea kwake, nadhani alitakiwa kujengwa na sio kuonyeshewa malango wa kutokea, kwa huku Ulaya mchezaji amekuwa akitazamwa kwa ukaribu sana,”
“Kuna muda unaweza kushindwa kucheza kwa kiwango chako kumbe kuna mambo ambayo yanakutatiza, wanasaikolijia watakaa na wewe chini kwa ajili ya kukusaidia na mwisho wa siku unarejea kwenye mstari,” alisema winga huyo mwenye kipaji.
