Himid Mao, Mayele jino kwa jino Ligi Kuu Misri
Kiungo mkabaji wa timu Taifa 'Taifa Stars', Himid Mao amejiunga na klabu ya Tala'ea El Gaesh SC inayoshiriki Ligi Kuu ya Misri baada ya Ghazl El Mahalla qliyokuwa akichezea kushuka daraja msimu uliopita.
El Gaesh SC inashiriki Ligi Kuu ya nchini Misri imemsajili Mao kwa mkataba wa miaka mitatu.
Kiungo huyo sasa atakuwa akisakata kabumbu Ligi Kuu na mshambuliaji Fiston Mayele aliyekuwa anakipiga Yanga kwa sasa ni mali ya Pyramid.
Mao amezitumikia klabu tano za Misri tangu alivyo ondoka Azam FC mwaka 2018, ambazo ni Petrojet FC, Enppi SC, Entag El Harby na El Mahalla huku El Gaesh kuwa ya sita.
