Achraf Hakimi arejea mahakamani upya

Paris, Ufaransa: Inaonekana mchezaji wa kimataifa wa Morocco, Achraf Hakimi, bado anakabiliwa na changamoto za kisheria.

Hakimi anatarajiwa kufikishwa mbele ya mahakama ya rufaa ya Versailles huku kesi inayomkabili ikiendelea kupitia mfumo wa mahakama nchini Ufaransa.

Mchezaji huyo mwenye umri wa miaka 27 amekuwa chini ya uchunguzi tangu Februari 2023, baada ya mwanamke mwenye umri wa miaka 24 kumtuhumu kwa kosa la ubakaji. Kesi hiyo sasa imefikia hatua mpya huku waendesha mashtaka wakiendelea kuchunguza kwa kina taarifa na ushahidi uliopo.

Kikao kijacho cha mahakama huko Versailles, mji uliopo magharibi mwa Paris, kitajikita katika ombi la rufaa lililowasilishwa na Hakimi.

Timu yake ya wanasheria inatarajiwa kuomba aidha:

Kesi kufutwa kabisa, ikiwa ushahidi utaonekana kutotosha kuendelea nayo, au kupunguzwa kwa mashitaka, endapo mahakama itaona kuna sababu za kufanya hivyo.

Kikao hicho kinachukuliwa kuwa hatua muhimu katika kesi ambayo imevutia umakini mkubwa wa umma na vyombo vya habari duniani.

Hadi sasa, hakuna taarifa zaidi zilizotolewa kuhusu mwenendo wa kikao hicho, na Hakimi mwenyewe bado hajatoa kauli yoyote hadharani kuhusu mwenendo wa kesi hiyo.

Ni muhimu kutambua kuwa hadi mahakama itakapotoa uamuzi rasmi, Hakimi bado anachukuliwa kuwa hana hatia kisheria chini ya kanuni za sheria za Ufara nsa.