Lejendi Al Ahly aipigia hesabu Mamelodi, adai Simba wepesi
Wakati Simba ikifungua michuano ya African Football League Oktoba 20 dhidi ya Al Ahly uwanja wa Mkapa, lejendi wa timu hiyo ya Misri, Mokhtar Mokhtar amesema hesabu zao ni Mamelodi Sundowns.
Mshindi wa mechi ya robo fainali Simba VS Al Ahly ambayo itarudiwa jijini Cairo, Misri atakutana na mshindi wa mechi ya Mamelodi Sundowns ya Afrika Kusini vs Petro de Luanda ya Angola ambapo Mokhtar akizungumza na mtandao wa Kingfut amedai mechi ya Simba itakuwa rahisi kwao.
"Simba ndio wanatakiwa wawaze kuivaa Al Ahly, ila wasiwasi wangu ni kucheza dhidi ya Mamelod kwa maana sisi tunaweza kuifunga timu yoyote Afrika ila mambo yanabadilika tukicheza na Mamelodi," amesema Mokhtar
Timu katika mechi nne zilizopita walizokutana kila timu imeshinda nyumbani (2/2).
