Klopp macho kodo kwa staa Timo Werner
Muktasari:
Kwa mujibu wa Sport Bild, Klopp anataka kukutana ana kwa ana na Werner azingumze naye binafsi kuona kama kuna kitu chochote ataweza kumshawishi na kukubali kwenda kukipiga huko Anfield.
LIVERPOOL, ENGLAND .KOCHA wa Liverpool, Jurgen Klopp anataka kukutana na straika Timo Werner kwanza kabla ya kukamilisha mchakato wa kunasa huduma ya mkali huyo wa RB Leipzig.
Klopp kwa muda mrefu sana amekuwa akivutiwa na mshambuliaji huyo wa kimataifa wa Ujerumani, ambaye anataka kupiga hatua ya mbele kwenye soka lake ikiwamo kwenda kujiunga na timu itakayocheza kwa ubabe mkubwa kwenye Ligi ya Mabingwa Ulaya.
Straika Werner anaonekana kuwa kwenye mipango ya kocha huyo wa Liverpool kwa sababu anafahamu wazi atapatikana kwa gharama ndogo kuliko washambuliaji wengine kama Jadon Sancho, Kylian Mbappe.
Kwa mujibu wa Sport Bild, Klopp anataka kukutana ana kwa ana na Werner azingumze naye binafsi kuona kama kuna kitu chochote ataweza kumshawishi na kukubali kwenda kukipiga huko Anfield.
Kinachoelezwa ni mkwamba wawili hao, Klopp na Werner wangekuwa wameshakutana hadi kufika sasa kama maambukizi ya virusi vya corona yasingekuwa yameshika kasi zaidi.
Bayern Munich nao wanamhitaji
Werner alizungumzia kuhusishwa na Liverpool akiisifu baada ya kuisaidia timu yake kuichapa Tottenham Hotspur kwenye Ligi ya Mabingwa Ulaya.
