Cardi B: Wanaume wanajigonga kila mara
Muktasari:
- TMZ imepata video inayomuonyesha msanii huyo akitembea kwa maringo mitaani katika jiji la San Francisco juzi Jumamosi. Alimkaribia roboti mmoja na kuwaambia watu waliokuwepo kuwa alikuwa na mpango wa kumpa roboti huyo lap dance.
SAN FRANCISCO, MAREKANI: MWANADADA Cardi B amedai wanaume wamekuwa wakijigonga kwake kutokana na kujaaliwa umbo tamu la kupendeza.
Hilo limefanya mtandao wa TMZ kusema huenda alimvutia roboti kupita kiasi kwa sababu ilionekana kana kwamba roboti huyo alijirusha kwake huko San Francisco kupitia video iliyosambaa mtandaoni iliyomuonyesha mwanadada huyo alibambiwa na roboti.
TMZ imepata video inayomuonyesha msanii huyo akitembea kwa maringo mitaani katika jiji la San Francisco juzi Jumamosi. Alimkaribia roboti mmoja na kuwaambia watu waliokuwepo kuwa alikuwa na mpango wa kumpa roboti huyo lap dance.
Cardi alifanya miondoko kadhaa ya dansi, akapapasa mwili wa chuma wa roboti huyo na hatimaye akasimama mbele yake na kuashiria kama anataka kuubusu uso wake usioonyesha hisia.
Alipokuwa anakaribia kumbusu, roboti huyo alionekana kusogea ghafla kuelekea kwake… akaangukia juu yake na kumfanya Cardi kupiga ukelele.
Roboti huyo alionekana kuangukia kati ya miguu yake — aina fulani ya “kutongoza kwa kuchanganyikiwa” ambako Stefon Diggs huenda asingefurahia. Hata hivyo, Cardi aliweza kusimama tena kwa msaada wa watu waliokuwa karibu, na alionekana kutopata majeraha yoyote… hivyo yote yaliishia salama.
Kama tulivyotaja awali, Cardi yupo San Francisco kumpa sapoti Stefon Diggs na timu yake ya New England Patriots kwenye Super Bowl. Wanacheza dhidi ya Seattle Seahawks, na mechi inaanza saa 3:30 jioni kwa saa za Pasifiki, Jumapili.
Mtandao wa TMZ umechomeka kuwa, eti hata AI inamtamani Cardi na WAP yake!
