Usajili Ulaya wafungwa kibabe
Muktasari:
Majogoo wa jiji Liverpool watacheza leo majira ya saa 4;00 usiku dhidi ya Norwich City kwenye uwanja wao wa Anfield mchezo wa kwanza wa Ligi Kuu England msimu huu wa 2019/20.
MAJIRA haya ya kiangazi imetumika jumla ya Pauni 1.41 bilioni kwa usajili uliofanywa na timu zote za Ligi Kuu nchini England , ambazo zilikuwa zikiinyemelea rekodi ya 2017 kwa mujibu wa Deloitte ambapo ilitumika Pauni 1.43 bilion.
Wale vigogo wa Ligi hiyo peke yao kwenye kiasi hicho cha fedha, wametumia Pauni 170 millioni katika madili 17 siku ya mwisho ya usajili hicho ni kiasi kidogo cha fedha ukilinganisha na awamu zilizopita za majira ya kiangazi.
Everton ilimnasa dakika za mwisho, Alex Iwobi kutoka Arsenal kwa Pauni 34 millioni, pia katika dili la Romelu Lukaku kujiunga na Inter Milan ya Italia ilishuhudiwa mashetani wekundu wa Old Trafford wakipata hasara ya Pauni 1 million kutokana na kumuuza kwao kwa Pauni 74 millioni.
Arsenal awamu hii, wameonekana kutotaka mchezo kabisa majira haya kwa kwa kutumia Pauni 155millioni.Siku ya mwisho ya usajili, walimchukua beki wa kushoto wa Celtic, Kieran Tierney kwa Pauni 25 millioni na walitoa Pauni 8millioni kwa Chelsea ili wamnase beki wa kati, David Luiz.
Tottenham walimsajili kiungo kutoka Real Betis, Giovani lo Celso kwa mkopo na pia waliipata saini ya Ryan Sessegnon kwa Pauni 25millioni kutoka Fulham huku dili la kuchukua Paulo Dybala wa Juventus likigonga mwamba.
Watford wao waliweka rekodi kwa kutumia Pauni 25millioni , kumsajili winga kutoka Rennes ya Ufaransa, Ismaila Sarr. Leicester waliinasa saini ya kiungo mshambuliaji wa Sampdoria, Dennis Praet kwa Paundi 18millioni.
Wafuatao ni wachezaji wapya waliosajiliwa na vigogo wa Ligi hiyo, Arsena, Nicolas Pepe (Lille, £72m) , William Saliba (Saint Etienne, £27m), Kieran Tierney (Celtic, £25m), David Luiz (Chelsea, £7m), Gabriel Martinelli (Ituano, £6m), Dani Ceballos (Real Madrid, £15m - mkopo).
Chelsea Mateo Kovacic (Real Madrid, £40m). Manchester City , Rodri (Atletico Madrid, £63m), Joao Cancelo (Juventus, £60m), Angelino (PSV, £5.3m), Morgan Rogers (West Bromwich Albion, £4m) na Scott Carson (Derby County, mkopo).
Manchester United, Harry Maguire (Leicester City £80m), Aaron Wan-Bissaka (Crystal Palace, £50m) na Daniel James (Swansea City, £17m).
Tottenham, Tanguy Ndombele (Lyon, £65m),Ryan Sessegnon (Fulham, £25m), Jack Clarke (Leeds United, £11.5m), Kion Etete (Notts County, imefichwa ) na Giovani lo Celso (Real Betis,mkopo).
Liverpool, Sepp van den Berg (PEC Zwolle, £4.4m), Adrian (West Ham United,bure)na Harvey Elliott (Fulham).
