34 zatangulia Kombe la Dunia 2026

Nchi 34 zimejihakikishia kushiriki fainali za Kombe la Dunia 2026 zitakazounguruma nchini Mexico, Marekani na Canada, baada ya kukamilisha mchakato wa kufuzu.

Fainali za Kombe la Dunia 2026 zimepangwa kuanza Juni 11, 2026 na mechi ya ufunguzi itachezwa Estadio Azteca, Mexico City.

Jana Jumatatu usiku Novemba 17, 2025, Ujerumani na Uholanzi ziliungana na timu nyingine 32 ambazo zilishafuzu kucheza fainali hizo, zikitokea barani Ulaya. Ujerumani ilipata nafasi hiyo baada ya ushindi mnono wa mabao 6-0 dhidi ya Slovakia, mechi ikichezwa Red Bull Arena huku Uholanzi ikiichapa Lithuania 4-0.

Fainali za Kombe la Dunia 2026 zitashirikisha mataifa 48, ikiwa ni ongezeko la timu 16. Kuanzia mwaka 1998 katika fainali zilziofanyika nchini Ufaransa, mataifa 32 yalikuwa yanashiriki na mara ya mwisho idadi hiyo ilionekana nchini Qatar mwaka 2022.

Hapa chini ni orodha kamili ya kila nchi iliyofuzu Kombe la Dunia 2026:

Wenyeji: Canada, Mexico, Marekani

Asia: Australia, Iran, Japan, Jordan, Qatar, Saudi Arabia, Korea Kusini, Uzbekistan

Afrika: Algeria, Cape Verde, Misri, Ghana, Ivory Coast, Morocco, Senegal, Afrika Kusini, Tunisia

Ulaya: Croatia, England, Ufaransa, Ujerumani, Uholanzi, Norway, Ureno

Oceania: New Zealand

Amerika Kusini: Argentina, Brazil, Colombia, Ecuador, Paraguay, Uruguay