Viingilio Simba, Yanga vyapanda

Tuesday January 12 2021
FAINAL PIC
By Mwanahiba Richard

Simba na Yanga wanakutana kesho Jumatano katika mchezo wa fainali wa Kombe la Mapinduzi huku viingilio vikipanda.

Mechi hiyo itachezwa uwanja wa Amaan kisiwani hapa ambapo awali tiketi ziliuzwa kwa Sh 3000, 5000 na 10,000 lakini hivi sasa zitauzwa kuanzia Sh 5000, 10000 na 15000 ambapo zitauzwa tiketi 12000 tu.

FINITE PIC 2

Pia fainali hizo zitashuhudiwa na Rais wa Zanzibar na Mwenyekiti wa Baraza la Mapinduzi, Dk Hussein Ali Mwinyi ambaye atakuwa mgeni rasmi.

mwinyiii pic

Mwenyekiti wa Kamati ya Mashindano ya Kombe la Mapinduzi, Khamis Said amesema kuwa hawataongeza tiketi kutokana na uwezo wa uwanja kuwa mdogo na unaingiza idadi ya mashabiki hao hivyo watakaokosa tiketi watalazimika kubaki nyumbani.

Advertisement

"Watu waepuke kununua tiketi feki, tutaanza kuuza tiketi kesho saa 3 asubuhi na milango itafunguliwa saa 7 mchana, uwanja wetu hauchukuwi idadi kubwa ya mashabiki na tunaelewa mechi hii ina mashabiki wengi hivyo wote wafuate utaratibu utakaowekwa.

viingilio pic said

"Ni fainali za aina yake kufanyika kisiwani hapa na itakuwa na mambo mengi yatakayoonyeshwa kuanzia huo muda ambao mageti yatafunguliwa hadi wakati mechi itakapoanza," amesema Said

Kuhusu idadi ya wachezaji kama timu zina mpango wa kuongeza, Said amesema kuwa hilo halitakubalika kama mchezaji hajasajiliwa kwenye mfumo wa Shirikisho la Soka Zanzibar (ZFF) ambao idadi ni wachezaji 30.

"Kuna taarifa nimesikia kwamba wachezaji wataongezwa, hilo halitakubalika kama wachezaji hao hawakusajiliwa awali tulipotoa mwaliko, tiketi zimepanda bei baada ya majadiliano na kamati," amesema

Advertisement