Naomi matatani polisi

Sep 9, 2010, 9:26 am

TFF

Imewekwa::

2010-03-05 16:54:00

Naomi matatani polisi

Naomi

NEW YORK, MAREKANI

MWANAMITINDO, Naomi Campbell huenda akaingia katika vita na polisi baada ya kudaiwa kumfanyia fujo dereva wake, jijini New York.

Campbell, mwenye miaka 39, alitakiwa kufika polisi kutoa maelezo baada ya kumnasa kibao dereva wake majira ya saa 9:00 alasiri, Jumanne wiki hii.

Imefahamika kuwa baada ya tukio hilo Naomi alitoka nje ya gari na kuchukua usafiri mwingine.

Baada ya hapo dereva huyo alifika polisi na kushitaki.

Lakini msemaji wa mwanamitindo huyo alieleza: "Nadhani hukumu haitatolewa haraka, uchunguzi utafanyika. Kuna mambo mengine zaidi ya kibao hicho."

Hiyo si mara ya kwanza kwa Naomi kumfanyia fujo mfanyakazi wake, mwaka 2006 alimpiga mfanyakazi wake wa ndani na baadaye alihukumiwa kufanya kazi za jamii.

Na katika tukio jingine, mwaka 2007, Naomi alihukumiwa kufanya kazi za jamii kwa saa 200 baada ya kupatikana na hatia ya kuwatusi polisi.

Habari Zingine

	Phiri hana shida, Mgosi, Kanoni waibukia Tanga
	Mkenya aipa Simba mambo mawili
	Henry arudi Norway majeruhi
	Kiungo Yanga mambo mazuri
	Mafisango atunisha msuli,aigunia Simba Tanga
	Humoud azua tafrani Simba
	Wabongo wamrudisha Mariga Dar
	Rage aidai Mwanaspoti Sh. bilioni moja
	Jabulani kumi zaisisimua Simba
	Kipa Yanga aingilia anga za Kaseja