Chelsea yamkingia kifua Terry

Sep 9, 2010, 9:13 am

TFF

Imewekwa::

2010-02-01 19:21:00

Chelsea yamkingia kifua Terry

LONDON, England
LICHA ya John Terry kukabiliwa na madai ya kutembea na mke wa Wayne Bridge, Chelsea imesema itampa ushirikiano katika kipindi hiki kigumu.

Habari kutoka Chelsea zinasema mmiliki wa klabu hiyo, Roman Abramovich alimwita Terry na kumwambia klabu ipo pamoja naye katika kipindi hicho kigumu.

Kumekuwa vielelezo vya wazi vinavyothibitisha kwamba Terry alilala na aliyekuwa mke wa Bridge aitwaye Vanessa Perroncel, lakini Abramovich anaona kuwa hakuna sababu ya kumchukulia hatua za kinidhamu mchezaji huyo.

Mtu mmoja wa karibu na Abramovich alisema: "Roman alimwambia John kuwa asiwe na wasiwasi kwani Chelsea haitamtupa katika wakati huo mgumu.
"Nadhani anahitaji kutulizwa katika kipindi hiki kigumu.

"Ukweli ni kwamba Terry hajavunja sheria. Jambo la msingi ni kuhakikisha anashughulikia suala hilo mpaka litakapomalizika.

"Ni mtu anayeheshimika katika kikosi, ni mmoja kati ya wanafamilia wa Chelsea."

Wiki hii, Terry alifanya mazoezi na wachezaji wenzake kama kawaida na hali ilikuwa shwari uwanjani, hakukuwa na minong'ono yoyote.

Habari Zingine

	Phiri hana shida, Mgosi, Kanoni waibukia Tanga
	Mkenya aipa Simba mambo mawili
	Henry arudi Norway majeruhi
	Kiungo Yanga mambo mazuri
	Mafisango atunisha msuli,aigunia Simba Tanga
	Humoud azua tafrani Simba
	Wabongo wamrudisha Mariga Dar
	Rage aidai Mwanaspoti Sh. bilioni moja
	Jabulani kumi zaisisimua Simba
	Kipa Yanga aingilia anga za Kaseja