Lindsay Lohan anusurika adhabu

Sep 9, 2010, 9:19 am

TFF

Imewekwa::

2009-03-20 20:13:00

Lindsay Lohan anusurika adhabu

NEW YORK, Marekani

JAJI wa Beverly Hills, Marsha Revel amefuta kibali cha kumkamata muigizaji Lindsay Lohan baada ya wakili wa muigizaji huyo kuonyesha vielelezo vilivyothibitisha kwamba dada huyo amekuwa akihudhuria darasa maalum la ushauri wa kuacha pombe.

Lindsay aliwahi kufikishwa mahakamani mwaka 2007 kwa kosa la kutumia kiasi kikubwa cha kilevi na alitakiwa kuanza kuhudhuria darasa la ushauri maalum wa kupunguza utumiaji wa pombe.

Lakini baadaye kulikuwa na taarifa kwamba Lindsay hakuwa akihudhuria darasa hilo.

"Pamoja na kwamba kulikuwa na malalamiko hayo, lakini wakili wa Lohan alifikisha vithibitisho mahakamani vinavyoonyesha kwamba mwanamke huyo amekuwa akihudhuria darasa na hakukuwa na matatizo yoyote," ilisema taarifa ya polisi.

Ingawa kuna habari kwamba nyota huyo wa filamu amedaiwa kuhudhuria darasa hilo lakini waandishi wa habari wameshikwa na mshangao kwa sababu hakuna hata siku moja, ambayo walifanikiwa kumuona Lindsay eneo la ushauri licha ya kumuwinda kila mara.

Habari Zingine

	Phiri hana shida, Mgosi, Kanoni waibukia Tanga
	Mkenya aipa Simba mambo mawili
	Henry arudi Norway majeruhi
	Kiungo Yanga mambo mazuri
	Mafisango atunisha msuli,aigunia Simba Tanga
	Humoud azua tafrani Simba
	Wabongo wamrudisha Mariga Dar
	Rage aidai Mwanaspoti Sh. bilioni moja
	Jabulani kumi zaisisimua Simba
	Kipa Yanga aingilia anga za Kaseja