Mwanaspoti

Kuna Diamond halafu Harmonize

Share Bookmark Print Email
Email this article to a friend

Submit Cancel
Rating

 

Email this article to a friend

Submit Cancel


Posted  Aprili1  2017  saa 15:33 PM

Kwa ufupi;-

Tunakumbuka ilikuwa muda mfupi baada ya kumaliza kufanya mahojiano ya kina na kinara wa kundi hilo, Diamond Platinumz, tulianza kujiandaa kutimka baada ya kuridhika na kazi nzuri tuliyofanya na staa huyo wa kiimataifa.


SAFARI ya kutembelea makao makuu na studio za Wasafi Classic, inabakia kuwa yenye kumbukumbu ya kipekee kwa timu ya waandishi wa Mwanaspoti iliyotembelea ofisi hizo hivi karibuni.

Tunakumbuka ilikuwa muda mfupi baada ya kumaliza kufanya mahojiano ya kina na kinara wa kundi hilo, Diamond Platinumz, tulianza kujiandaa kutimka baada ya kuridhika na kazi nzuri tuliyofanya na staa huyo wa kiimataifa.

Lakini wakati tukianza kujizoazoa tulipokuwa tumekaa, Meneja wa kundi hilo, Babu Tale, alituzuia kuondoka na kutuahidi kuwa tumpe muda mfupi ili aweze kutuletea zawadi. Kila mmoja alipigwa na butwaa ni zawadi gani ambayo Babu Tale alikuwa akitaka kutupatia, ingawa hakuna aliyemhoji mwenzake. Tulitulia tuli.

Wakati tukiendelea kuitafakari zawadi gani ambayo Tale amepanga kutupatia, mlango unafunguliwa na kumuona meneja huyo akiwa ameambatana na kichwa kingine kutoka ndani ya kundi hilo la Wasafi ambaye ni msanii Harmonize.

Huku akitabasamu, Tale anafichua kuwa zawadi ambayo alipanga kutupatia ni kumleta msanii huyo, ili tufanye naye mahojiano kama ilivyokuwa kwa Diamond ambaye muda huo tayari alikuwa ameshaondoka kwenye chumba cha mikutano na kuelekea kwenye ofisi yake.

Kama ilivyokuwa awali kwa Diamond, Harmonize anatukaribisha kwa ucheshi na kujitambulisha huku akitusisitiza tuwe huru kumuuliza chochote kinachohusu maisha yake na muziki kiujumla.

 

Kalala standi ya mabasi

Nyuma ya mafanikio ya yeyote huwa kuna nyakati ngumu ambazo kwa namna moja zilichangia kumhamasisha kupambana zaidi na changamoto za kimaisha hadi akaweza kufikia mahala alipo.

Harmonize ni miongoni mwa watu waliopita kwenye milima na mabonde kabla ya kufanikiwa kuikaribia nchi ya ahadi hivi sasa na kuwa mmoja wa mastaa wanaotamba kwenye muziki nchini.

Pamoja na kumiliki vitu vingi vya thamani hivi sasa, Harmonize anafichua safari ya kimuziki kwake ilikuwa ngumu kiasi cha kufikia kulala kituo cha mabasi yaendayo mikoani huku akikutana na misukosuko ambayo hata haikumzuia kufika alipo sasa.

“Nilivyotoka Mtwara kuja Dar es Salaam, nilifikia kwa dada’angu mwaka 2009 na ilipofika mwaka 2011 nikaanza mambo ya muziki. Kwa hiyo nilipoanza muziki, kama unavyofahamu kuwa mambo ya muziki yanataka muda sana,” anasema.

1 | 2 | 3 Next Page»

Mwanaspoti

DRAKE: Muziki umempa pesa za kutesa mjini

Share Bookmark Print Email
Email this article to a friend

Submit Cancel
Rating

 

Email this article to a friend

Submit Cancel


Posted  Marchi25  2017  saa 15:47 PM

Kwa ufupi;-

Drake baada ya kuonekana mara mbili kwenye shoo za mrembo Jennifer Lopez maarufu kwa jina la J-Lo, kukaibuka stori. Oooh! jamaa sijui nini, sijui kitu gani, lakini mmoja wa marafiki wa Drake akaibuka na kujibu, ni kweli ila haiwahusu, halafu haikuwa siriazi kihivyo.

JENNIFER Lopez. Si unamjua? Basi hiyo ndio stori iliyokuwa ikimhusu rapa, Aubrey Drake Graham aka Drake.

Drake baada ya kuonekana mara mbili kwenye shoo za mrembo Jennifer Lopez maarufu kwa jina la J-Lo, kukaibuka stori. Oooh! jamaa sijui nini, sijui kitu gani, lakini mmoja wa marafiki wa Drake akaibuka na kujibu, ni kweli ila haiwahusu, halafu haikuwa siriazi kihivyo.

Stori ikaishia hapo, lakini watu wakaendelea kuhoji, Drake kwa J-Lo? Mmh! Wamesahau kuwa kijana ana pesa ndefu.

Kwa taarifa yako tu, Drake ameingia kwenye orodha ya marapa wenye pesa ndefu baada ya kuwa na kipato kinachoripotiwa kuwa ni Dola 85 milioni. Kuna baadhi ya mitandao inamtaja Drake kuwa ni pato la Dola 60 milioni. Dola hizo amempiku hata 50 Cent, lakini P Diddy, mpenzi wa zamani wa J-Lo bado anaongoza na utajiri wake wa Dola 750 milioni. Kwenye pesa, mambo mengine yanayotokea, hupaswi kushangaa.

 

PESA ZA DRAKE

Muziki na filamu ndizo fani zinazompatia kipato Drake, ambaye ni mzaliwa wa Toronto, Canada kwa baba Mmarekani Mweusi. Alizaliwa Oktoba 24, 1986.

Majina yake ya utani ni Young Angel na Drizzy Drake. Bado hajaoa na ndio maana anakuwa na uhuru tu wa kutanua na warembo kama J-Lo mara moja moja.

Pesa nyingi za Drake ameziingiza kwa mauzo ya albamu zake na ziara na shoo zake za kimuziki. Lakini, pia rapa huyo ana dili nyingi za kibiashara. Ziara zake za kimuziki zimempa pesa nyingi. Tangu mwaka 2010 alipoanza kuingia rasmi kwenye muziki, Drake anaripotiwa kuingiza Dola 9 milioni kila mwaka kabla ya makato ya kodi. Shughuli zake za kimuziki zimemfanya rapa huyo kuingiza Dola 150 milioni kabla ya makato ya kodi na matumizi mengine.

Si kitu cha mchezo kwa rapa mwenye umri wake kuwa na pesa ndefu kiasi hicho.

Mwaka 2013, Drake aliliambia Jarida la Forbes kwamba anataka kuhakikisha kila mwaka anaongeza pato lake na alikifanya hivyo mwaka 2015, alipoingiza Dola 39.5 milioni.

Dili nyingine za kibiashara zinazomletea pesa ndefu ni pamoja na Wiski ya Virginia Black na Apple Music, huku pia akipiga pesa kwa dili zake huko Toronto Raptors, Nike NKE +2.69% na Sprite.

1 | 2 Next Page»

Mwanaspoti

Kumbe Ne-yo anatiririka Kiswahili Kibongo-bongo

Share Bookmark Print Email
Email this article to a friend

Submit Cancel
Rating

 

Email this article to a friend

Submit Cancel


Posted  Marchi25  2017  saa 16:30 PM

Kwa ufupi;-

Katika mwendelezo huo leo anaweka mambo mengine hadharani, ikiwamo kufichua siri kwamba nyota wa muziki wa kimataifa wa Marekani, Ne-Yo kumbe anajua kuzungumza Kiswahili, ki vipi? Endelea naye...!

JANA katika mfululizo wa makala ya nyota wa muziki wa kizazi kipya nchini, Diamond Platinumz tuliona namna alivyofunguka mambo mengi kuhusu maisha yake na muziki, hususan suala la uhusiano wake na baba yake.

Katika mwendelezo huo leo anaweka mambo mengine hadharani, ikiwamo kufichua siri kwamba nyota wa muziki wa kimataifa wa Marekani, Ne-Yo kumbe anajua kuzungumza Kiswahili, ki vipi? Endelea naye...!

 

Muziki unaelekea wapi?

Diamond anaamini kwa sasa muziki wa Tanzania umepiga hatua kubwa kutokana na fursa nyingi ambazo wasanii nchini wamekuwa wakizipata kwenye medani ya kimataifa.

Anasema fursa hizo ni pamoja na kushiriki matamasha makubwa ya muziki, kushiriki tuzo mbalimbali za muziki kimataifa pamoja na kuimba nyimbo kwa ushirikiano na wanamuziki maarufu duniani.

“Soko kijumla limepanda kwa sasa kwa sababu kama unavyoona tunapata fursa ya kuvuka mipaka hadi nje ya nchi na hata nyimbo zetu zinaingia kwenye chati za muziki za duniani kama vile MTV Europe na kadhalika.

Baada ya miaka mitano, naamini tasnia ya muziki nchini itakuwa imepiga hatua kubwa na kufika mbali zaidi. Cha muhimu ni kuangalia soko linaendaje na kuandaa kazi bora zaidi. Lengo langu ni kutengeneza muziki bora kwa jumla,” anasema Diamond.

Majibu hayo ya Diamond yananipa hamu ya kutaka kufahamu zaidi, jambo la nyuma ya pazia, nataka kujua mbona anatumia muda mwingi kushirikiana na wanamuziki wa nje pamoja na kutofanya shoo za nyumbani mara kwa mara.

“Tumeshapiga sana shoo za ndani ya nchi hapo siku za nyuma. Tunapoamua kushirikiana na wasanii wa nje, tunajaribu kufungua milango kwa muziki wa Tanzania kuvuka mipaka zaidi.

Kwa mfano hivi karibuni nimefanya muziki na Ne-yo. Lengo ni kutengeneza njia ili muziki wetu uingie Marekani. Nawashauri tu wasanii wenzangu wasikate tamaa. Ni kujiamini tu na wasiogope wafanye kama mimi ninavyofanya.”

 

1 | 2 | 3 | 4 Next Page»

Mwanaspoti

JB, Wema wapelekwa rasmi nchini China

Share Bookmark Print Email
Email this article to a friend

Submit Cancel
Rating

 

By MWANDISHI WETU  (email the author)
Email this article to a friend

Submit Cancel


Posted  Ijumaa,Marchi24  2017  saa 9:26 AM

Kwa ufupi;-

Aliyekuwa Waziri wa Habari, Michezo, Sanaa na Utamaduni, Nape Nnauye aliwaombea wasanii hao kwa serikali ya China ambapo maombi hayo yalipokewa kwa mikono miwili.

WASANII wa Filamu za Kibongo wamepewa fursa ya kuanza kuuza filamu zao nchini China ambao sasa zitakuwa zikitafsiriwa kwa lugha ya nchi hiyo kama ambavyo Rufufu amekuwa akitafsiri za kwao hapa nchini.

Aliyekuwa Waziri wa Habari, Michezo, Sanaa na Utamaduni, Nape Nnauye aliwaombea wasanii hao kwa serikali ya China ambapo maombi hayo yalipokewa kwa mikono miwili.

Rais wa Shirikisho la Filamu Nchini, Simon Mwakifwamba alisema wamepanga kuanza kutengeneza filamu zenye viwango vya juu ili kuweza kukimbizana na soko hilo lenye idadi ya watu zaidi ya bilioni moja.

China imezindua wiki ya filamu zake hapa nchini ambapo kazi hiyo inasimamiwa na kampuni ya ving’amuzi ya Star Times ambapo uzinduzi huo ulifanywa na Nnauye Jumatano jioni.

Hata hivyo jana Alhamisi asubuhi nafasi yake ya uwaziri katika wizara husika ilitenguliwa.